Shèz judoka an Ayiti...

Mwen gen yon istwa ke m pwal rakonte timoun 

yo jodi-a. Se zafè yon shèz plastik an Ayiti.

Ayiti gen yon seri de plezi ladann ki anpeshe 

yon moun ret serye tout tan, san w pa griyen 

dan w.

Jedi pase m twouve m shita nan yon ti restoran. 

M ap tann yon demashè ke m bay regle yon pakèt 

vire-tounen kigen pou fèt nan depatman sikulasyon pou mwen.

Lè yon moun parèt nan zònn sa-a, se tankou se nan yon 

dezè ou antre. Pagen okenn afish ki pou deziye kote biwo-a ye. 

Anlè kou anba, ou tonbe nan yon labirent.

Ondire ke administrasyon publik an Ayiti fèt pou moun 

ki pakonn li sèlman.

Pandan m shita nan ti restoran-an ki anndan nan fon lakou-a. 

Mwen tap obsève yon dyaspora parèy mwen ak de lòt nèg ki 

te shita sou yon ti tab sou kote gòsh mwen. 

Misye sanble l tegen yon zafè paspò l tap regle. De lòt moun 

an sivil yo. Yonn sete yon jènn Ayisyen ki pat fè de segonn 

san dwèt ak je li pat sou telefòn. Se swa l ap fè sèlfi oubyen l ap 

pale.

Demashè-a limen m se yon nèg kite abiye an sivil, men kite 

gen yon bòlinn bò ren li, yon fè ki nan sentu l. Se li kap fè 

va-e-vyen ak pil papye nan men l.

Dyaspora sa-a, te shita sou yon shèz an plastik. 

Nan yon premye moman, mwen wè l te kòmande yon mayi 

moulen ak pwa nwa. 

Apre sa, li lage kò li nan yon ekip wayal ak manba. Li desann 

tout sa, avan w bat je w. Nan menm tan sa-a, li gentan kòmande 

ju, pou l sa desann tout manje sayo.

Nan fè dijesyon alèkile, paske bann manje yo ta kòmanse fè 

egzèsis sou lestomak li.

Misye dwe te santi l alèz kòm blèz! Men Dyaspora sila te 

gwo nèg anpil. Tèt long, kale tou wòz!

Misye te peze omwen 210 liv. Pandan misye rete lap fè dodinn 

sou shèz plastik. Pye shèz pete, kase, baskile dyaspora. Tèt 

dyaspora frape nan mi epi l ateri blayi atè sou do, plat!

Apre tout bafwe sayo, mwen panse misye ta pwal bay yon kriz kadyak.

Mwen kouri leve sou tab kote m te shita. Pou m al konstate...

Misye tegen anpil shans. Moun vinn ba l lanmen, fè l leve atè-a. 

Shèz jidoka Ayiti sayo, yo pa nan jwèt ak moun. 

Se pa vini w ki pou sove w!

eMagazine

Auteur: Weiner Marthone, première en 2020.

Take the Visitor Survey and receive this FREE gift.

veritas_tum@yahoo.com