Pwofesè Fizeme...

Pwofesè Fizeme te yon moun debyen ki tap fè kou Fizik, Gewometri ak Trigo toupatou nan vil Pòtoprens. Nan aparans, Fizeme pat yon gwo nèg. Men, se yon pwofesè ki tegen anpil eksperyans ak konesans. 

Tout kote pwofesè sa-a pase, li te mande respè.

Shak mèkredi a dezè nan lapremidi, pwofesè Fizeme sou wout jis li rive devan baryè lekòl la. Li bay twa kout klakson pou jeran vinn louvri. Yon sèl kout volan agosh, epi l pake mashinn nan lakou lekòl la, devan la direksyon.

Fizeme fè sa vap li louvri pòt, desann mashinn, li tou pase men l pran ekè l, konpa k fèt an bwa akajou, shifon ak lakrè blan, paske se kou gewometri k pwal fèt jodi-a.

Pwofesè Fizeme te nan senkantèn. Se yon moun kite konn abiye byen fre, kostim (kostum pou Ayisyen k pale kreyól fransize yo) depyès gri, pantalon byen eskanpe, shemiz blan, soulye nwa. Sheve pwofesè Fizeme te toujou byen kout. Nou obsève ke misye te kòmanse ap blanshi. Sousi fwonse, boush li vinn pi nwa nan fimen sigarèt Splendid. 

Fizyomikman, pwofesè a pat twò kout, ni twò gwo.

Depi dezè-edmi an pwente, wap wè l ap mashe nan koulwa vinn sou wou byen dousman. Se yon pwofesè kite disipline epi k te egzije disiplin nan tout klas lap anseye. 

San pwofesè Fizeme pat di yon mo, tout elèv te deja konnen pou yo fè silans. Koulye-a, pwofesè Fizeme louvri pòt rantre nan klas la. Fizeme pap kòmanse kou a tout otan elèv yo pa fè silans. 

Pwofesè Fizeme pat janm bezwen di yon mo. Se gade l, gade w sèlman, epi tout moun te pe boush yo. 

Gendefwa, elèv yo pat rann yo kont pwofesè Fizeme te fèk rantre. Yo kontinye ap pale fò. Sitou nan klas filo. Pwofesè-a, pat janm di yon mo. Li sèlman pase men l pran tout afè l, epi l vire do l soti al shita nan la direksyon. 

Lèl retounen, se tankou yon bagèt majik, klas la te kouri fè silans... 

Pwofesè Fizeme te fè plis ke anseye Fizik ak Gewometri, li tap aprann klas la sak rele disiplinn.  

Mèsi anpil, pwofesè Fizeme !

Take the Visitor Survey and receive this FREE gift.

veritas_tum@yahoo.com