Zafè Shèz Plastik an Ayiti

Ayiti gen yon seri de plezi ladann ki anpeshe yon moun rete
serye tout tan san w pa griyen dan w.

Jedi pase mwen twouve m shita nan yon ti restoran m ap tann
yon demashè ke m bay regle yon pakèt vire tounen kigen poufèt
nan Circulation.

Lè yon moun parèt nan zònn sa-a, setankou se nan yon dezè w
antre. Pagen okenn afish ki pou deziye kote biwo ye, anlè kou
anba ou tonbe nan yon labirent. On dire ke administrasyon piblik an
Ayiti fèt pou moun ki pakonn li sèlman...

Se jan de moun sayo nap leve an Ayiti...

Pandan m shita nan ti restoran ki ann-dan nan fon lakou a,
mwen tap obsève yon Diaspora parèy mwen ak de lòt nèg kite shita sou yon tab
sou kote gosh mwen. Misye sanble l tegen yon zafè paspò l tap
regle...

De lòt moun an sivil yo. Yonn sete yon jènn Ayisyen ki pat fè
de segonn san dwèt li ak je l pat sou telefònn. Se swa lap fè sèlfi ou
byen lap pale. Demashè a limen m se yon nèg kite abiye an sivil men kigen
yon bòlinn, yon fè ki nan sentu l, seli kap fè va e vyen ak pil papye nan menl.

Diaspora sa-a te shita sou yon shèz an plastik. Nan yon premye moman
mwen wè l kòmande yon mayi moulen ak pwa nwa. Apre sa li lage kò l nan yon
ekip wayal ak manba. Li desann tout sa avan w bat jew. Nan menm tan sa-a li
gentan kòmande ju poulsa desann tout manje sayo.

Nanfè dijesyon alèkile, paske bann manje sayo ta kòmanse fè egzèsis sou lestomak
li, misye dwe te santi l alèz kòm blèz, men Diaspora sila te gwo nèg anpil, tèt long,
kale tou wòz, misye te peze omwen 210 liv...

Pandan misye retel l apfè dodinn sou shèz plastik, pye shèz pete, kase, baskile Diaspora,
tèt li frape nan mi, epi l ateri blayi atè sou do plat...

Apre tout bafwe sayo, mwen panse misye tapwal bay yon kriz
kadyak, mwen kouri leve vit al konstate...misye tegen shans, yo bal lanmen
fèl leve atè a. Shèz jidoka Ayiti sayo pa nan jwèt ak moun...