Eleksyon 22 Septanm 1957...

Dram sou Dram...

Lòt jou, yon sèl batay pete nan LaShanm sou Atik 81 nan konstitusyon Ayisyèn nan.

Senatè ak Depite te twouve yo devan yon pwoblèm ke se sèl yo menm ki ta kapab rezoud li nan yon sans legal. Bagay sila mete an koz konpetans yo pou resevwa zak demisyon k poze lè yon prezidan pwovizwa (Nemours Pierre-Louis) demisyone.

Deba mansh long te fèt pandan de jou ann-dan Palais Legislatif, san pran souf. Pandan tan sa-a pèp la, sa yo rele woulo konpresè-a te pran lari jis li rive devan lakou Palais Legislatif. Yap veye sakap pase. Se yon jan pou yo demontre, san vyolans, ke yo pap dòmi. Yap tann desizyon reprezantan yo.

Reyaksyon lame d Ayiti anvè manifestan yo.

Ponpye ak tout kamyon dlo te pare pou fè anpil arimay nan awozay. Lame limenm tegen kamyon blende... men foul la te tèlman gwo, lamarinn Ayisyèn ak tout sòlda li yo pat kapab retire pèp sa-a sou brenzeng li. Tout lasent jounen, moun te fèk kare anvayi...

Foul la di ke Palais Legislatif nap gade la-a, se Palais pèp la. Se sa yo deklare bay Léon Cantave ki Kòmandan an Shèf lame d Ayiti.

Sòlda Léon Cantave yo patgen lòd ebyen pou yo ta kapab tire yon sèl kout fizi sou foul la.

Sa pat anpeshe anpil sòlda lame fè demonstrasyon ak menas, tankou yo ta eseye kraze manifestasyon-an anba kout awozay dlo ponpye. Pèp la deklare ak dan griyen "tout sa se betiz, jodi-a nap tou pwofite benyen nan dlo fre pou n sa rafreshi."

Yon lòt sòlda te vinn menase yo, li di: "talè la-a li pwal simen bal sou yo." Pèp la pran ri, li di: "Ti mari pap monte, li pap desann, nou pap dekanpe." Si nou mouri, vyann nou va sèvi pou gwosi pwason nan lanmè.

Léon Cantave, ki brigadye jeneral lame, te gen kontwòl, li te metrize sitiyasyon an. Li kouri al mande kandida Daniel Fignolé ak Dr. François Duvalier pou yo vinn adrese mas pèp la sou yon kamyon pòtvwa.

Apre jeneral Cantave te finn poze zak sa-a, pèp la te leve l sou zèpòl, pote jeneral la anlè. Yo bat bravo, epi yo rele ansanm: "Viv Lame!" Se sa kite anpeshe anpil dega pa fèt jou sa-a. 

Apre toude lidè yo te finn pale, yo pwofite mande pèp la ak jantiyès pou l ale lakay li dekwa pou Lejislatè yo ka finn fè travay yo devan listwa. 

Pèp la te disparèt byen vit, li te obeyi pawòl modòd de lidè responsab yo te bay. Manifestan yo pran shimen, retounen lakay yo, men yo di ke yap kontinye veye...

eMagazine

Traduction, Adaptation, illustration, Weiner Marthone

Take the Visitor Survey and receive this FREE gift.

veritas_tum@yahoo.com