Sa poko janm rive w? Yon moun ki te fè anpil wout ansanm avèk ou sou ban lekòl, ret konsa l tonbe, li ale san l pa di orevwa?
Lavi sa-a se vrèman yon trajedi. Sa k ta di, se sou jounal mwen ta vinn aprann nouvèl lanmò Lochard Noël?
Kite peyi w pou vinn viv aletranje okazyone gen yon sòt de demanjezon k fèt nan karaktè yon moun san l pa rann li kont.
Gen yon seri de moun ki pat janm fèt pou anyen kapab domine yo. Opinyon yon gwoup pap janm sa dakò ak opinyon pèsonèl jan de moun sa-a. Se sa k te pi gwo diferans ant Lochard Noël ak mwen.
Tout yon pèp, tankou yon endividi pap janm sa ret sou kontwòl pèsonn, Ad Vitam Aeternam. Fòk yon jou rive kanmenm pou l leve kanpe.
Lochard, m te li liv woman ou ekri ke ou te rekòmande m yo. Les Cerfs-volants du Printemps. Wi nou tout te konn monte ak fabrike kap. Men tit la pat di tout la verite sou zèv sila. Se nan shapit 25 ou te mete plis presizyon anba kout bistouri plim ou tap ekri-a...
Ou te ekri liv sila, sou evenman 12 Janvier 2010, se kòm si ou te prezan sou sèn nan. Mèsi anpil pou sa. Estil ekriti sa-a fè m sonje yon lòt zanmi, St John, ki tap viv Canada. Se yon estil ki ra anpil. Se pa nenpòt ekriven ki kapab ekri nan yon estil, tanbou, kadans ak twonpèt konsa.
Lochard, ou te rekòmande m de lòt liv pou kòmanse. Mwen te ashte tout. Tout swit. Paske m te vle konprann sa k te ann-dan sèvèl tèt ou.
Daprè sa m vinn konnen de ou lòt jou. Mwen reyalize ke ou te gen anpil teknik. C'est astucieux!
Menm si nou te vinn fè de wout diferan, se Lochard Noël, moun ke m te konnen nan tan lontan-an sou ban lekòl ansanm ak mwen, se limenm m ap selebre jodi-a.
R.I.P
Weiner Marthone
Take the Visitor Survey and receive this FREE gift.
Aucun commentaire:
Enregistrer un commentaire