Eleksyon 22 septanm 1957...

Men nouvèl kap domine aktualite-a.

Kabinè ministeryèl ki te monte sou prezidans Nemours Pierre-Louis-a, te bay demisyon l. Se sa n aprann jounen jodi-a 2 Fevriye 1957. 

Lapolis te met lapat sou yon gwoup moun ki bay tèt yo non "Le Souverain" kap mande pou Nemours Pierre-Louis rashe manyòk li.

Palais National. Nan sal komunikasyon laprès Samedi anpil pale fèt sou kriz ministeryèl la ak shanjman kap opere ann-dan gouvènman Ayisyen-an.

Vandredi, vè katrè konsa, tegen yon mitinn nan Palais National ant Consèy Sekretè Deta yo. Pawòl la te soti depi nan Palais-a epi l gaye, pran lari. Yo di ke Prezidan Pierre-Louis te revoke -mande demisyon- kabinè Ministeryèl la. 

Nouvèl la sot tonbe a pati de sa Lelio Vilgrain, ki pòt pawòl la prezidans te deklare.

Biwo Komunikasyon laprès nan Palais National, pat bay okenn presizyon sou nouvo kabinè-a.

Lapolis te arete yon ekip moun ki patizan yon gwoup ki rele "Le Parti du Peuple Haitien". Moun sa yo konn ekri sou yon jounal ki rele "Le Souverain". Yo te jwenn nan men yo anpil pankat kote moun sa yo ekri "Vive la Révolution ! A Bas Pierre-Louis !"

Yo akize gouvènman Pierre-Louis-a de sabotaj ke l kontinye fè kont revolisyon-an, akòz de mankman nan desizyon l tegen pou l pran, dèske gouvènman Pierre-Louis-a pat kapab konfiske byen ansyen prezidan Magloire ak tout minis li yo. Anplis de sa, yo deklare ke gouvènman Pierre-Louis-a te demontre ke l enkapab pou l ta rezoud kriz finansyè peyi a ap travèse.

Sanble ke prezidan Nemours Pierre-Louis te dekonekte ak reyalite peyi-a, kidonk sa pap pran lontan pou yo voye misye ale.

eMagazine

Traduction, adaptation, Weiner Marthone

Take the Visitor Survey and receive this FREE gift.

veritas_tum@yahoo.com