Kèlke swa kote w ye nan lemond, nou envite-ou repete priyè pou remèsye bondye pou gwo mirak misyonè yo ki libere an Ayiti. Nou pa bliye gen anpil lòt moun ki sekestre toujou ke nap kontinye leve nan lapriyè. Nap mande granmèt la pou l shanje kè tout move Ayisyen sayo kap kontinye komèt vye zak, ekstòsyon, vòl, vyòl, sekestrasyon, zak malonèt... Letènèl, nan mande pou shanje kè Ayisyen malfektè yo, fè yo repanti, shèshe lót mwayen respektab pou yo sa viv.
Letènèl nou vinn devanw maten an pou nou remesye-ou pou mirak sa ou fè pou nou. Ou bay pèp ou lavi. Nap rejwi dèske ou te pwoteje n moun ki anba sekestrasyon pandan tout semèn ki sot pase a. Malgre lemond te nan boulvès ou te pwoteje yo anba zèl ou.
Nou remesye ou, dèske ou mete n yon kote ki pezib. Ou te retire n du milieu d'eux. Ou te fènn soti nan mitan gwo lanmè ak tanpèt. Ou kraze miray jeriko pou nou, fann lanmè wouj an-de pou pèp ou sa pase. Letenèl ou se yon dye ki konn fè mirak.
Letènèl, jodi a nou pa vinn mande-ou favè, pa pou tèt pa-nou. Ou konnen tout pwoblèm yo deja. Maten an nou vinn leve tout rès pitit ou yo ki nan men Wa Faraon. Nou priye swasann disèt fwa, sèt fwa pou Wa Faraon lage tout yo bay fanmi yo san bwi san kont.
Letènèl ou retire nou man mitan yo, men satan se yon bèt ki odasye, yon visye ki san konsyans, yon malonèt ki ranplase nou. Letènèl, di yon mo sèlman pou ranvèse sitiyasyon ensekirite moun ap viv nan peyi d Ayiti.
Letènèl, se avèk anpil imilite nou vinn mande-ou la delivrans alawonnbadè. Nou remesye-ou davans, e nou kwè priyè n va ekzose.
Amèn
Aucun commentaire:
Enregistrer un commentaire