Mesaj: Ayiti Tèt Frèt

Nou konprann gen anpil Ayisyen ki fashe ke yo touye prezidan Jovenel Moïse le 7 juillet. 
Mwen obsève ke moun Cap Haïtien fè anpil kòlè. 

Pèp la gen rezon pou l an kolè. Nou tout an kòlè. Men, nou dwe panse ke prezidan Jovenel Moïse se te yon moun dwat li te ye. Li pat renmen dezòd. Kidonk, pou tèt prezidan Jovenel, pa fè moun mal, pa al touye, boule magazen moun. Nou dwe rete tèt frèt. Al okipe zafè w, bay fanmi w manje,
obsève disiplinn. Prezidan Jovenel te yon moun ki renmen disiplinn. Nou konnen prezidan Jovenel pa tap janm di nou al kraze brize...

Kidonk lè yon moun al kase magazen, boule, kraze se pa egzanp Jovenel Moïse wa p swiv. Pran wout lekòl, al aprann yon bagay pou sa itil fanmi w ak peyi w pita...louvri biznis envesti nan peyi w...

Si yon moun ap fè dezòd, se bagay pa l li ap regle se pa nan non prezidan Jovenel Moïse...

Prezidan Jovenel, se te yon moun kite renmen peyi l tout bon vre. Si ou renmen Jovenel Moïse, wa renmen peyi w tou, menm yon bale, pran yon bale, ranmase fatra, pou fè vil Okap pi pwòp pase tout vil nan peyi a. Anbrase disiplinn pito ke w fè dezòd. Pi-nga nou koute moun pou n al fè move zak. Prezidan Jovenel Moïse pa tap janm dakò pou jan de derapaj sayo fèt... 

Ebyen mo dòd la se pou moun Okap rete tèt frèt. Kite lapolis fè travay li. Nou pa bezwen nan deshire, yonn ap manje zòrey lòt. Se sa e-nnmi an ta renmen wi, pou nou divize. Si w entèlijan tout bon vre, wa konprann sa w konprann...Nou deja wè nan objektif kou a, se simen kawo nan peyi d Ayiti... Si ou te endisipline aprann obsève disiplinn... 

Tèt frèt pa vle di pou nou ap dòmi. Gen 5 malandren lapolis ap shèshè kite patisipe nan operasyon an. Lapolis bezwen pèp la ede l mete men nan kòlèt bann mèsenè sayo pou prezidan Jovenel sa jwenn jistis...tout Ayisyen louvri je nou...veye anwo, veye anba.

Ann poze yon seri de kesyon ki enpòtan anpil:

ÈSKE PNH TE REKUPERE TELEFÒN PREZIDAN Jovenel Moise?

KOTE TELEFÒN PREZIDAN-AN  PASE?

Veritas