Allo Haiti: Moun yo bezwen Travay!

Shak tan nou vire, tounen, se yon sèl kesyon
de kolòk kap fèt, se seminè, se konsiltasyon,
yon ban-n pale anpil.

Dirijan Ayisyen yo, moun yo bouke anba tout
pale anpil sayo. Sa yo bezwen se TRAVAY!

Ba moun yo travay pou yo fè. Twòp moun ki
vanyan ap pede shita bwa kwaze san fè anyen.

Bagay sa vinn jenerasyonèl tou. Travay leve
yon pèp, plis pèp la vo kishòy, plis nasyon
an ap vanse. Lilè litan pou nou syspan pase
moun yo nan betiz, pa pran tout moun pou
enbesil ak zonbi ki san nanm, san konviksyon.

Tout tan nap gade se detwa moun kap travay
tandike, 100 000 moun kanpe bwa kwaze
pap fè anyen. Lap rive yon tan lap twòta
pou nou tout sinou pa pran konsyans.

Se travay moun yo mande. Lilè pou nou
syspan pran woulib, pou nou syspan-n blofe
moun e aji an moun shish, moun kras, moun
peng... Moun yo pa bezwen sharite nan menw,
bayo travay pito tande.