Tout kote te fèmen. Atis meriken yo tap soufri anpil. Yon premye tantativ te fèt pou louvri Broadway nan mwa daou 2021. Moun te kouri ashte tikè. Men varyan Omikwon tap fè ravaj, l anvayi vil la, dirijan yo te kouri fèmen vil la ankò.
Box Office te oblije ranbouse lajan tikè yo. Bagay sila te pwovoke yon swaf pou espektak nan Broadway.
Pou moun ki renmen al gade teyat ak muzikal nan Broadway, pwogram nan te plen ane sa-a. Nou estime si yon moun pa pase kèk jou mwa desanm nan vil Nouyòk, se tankou l te pèdi twaka nan lavi l.
Toude pyès teyat yo tegen yon aspè moral ladann. Kontrèman ak sa anpil kritik konn di, kilti meriken te sou sèn, ak anpil aktè kigen bonjan reputasyon nan pèfòmans yo.
Foul moun vide sou Manhattan. Shak jou se tankou w nan Kanaval. Gen yon seri de kote, toupre Rockefeller Plaza an patikulye, ou paka mashe san w pa fwote ak moun. Apre w finn divèti w, tout moun kouri al manje nan restoran. Nan zafè restoran menm, si w pat fè rezèvasyon avan, wap mouri grangou nan Manhattan...
Ane sa-a noute tou pwofite fè yon kout pye nan muze Madame Tussauds, kote pòtre an sir anpil atis meriken ak etranje te reprezante. Tegen demonstrasyon inovasyon nan film 4-D (kat dimansyon) Nou pa nan zafè film twa dimansyon ankò. Apre w fin mete lunèt 4-D, sal sinema te fè espektatè-a santi tout efè kap pase sou ekran-an tankou se tout bon.
Nan Rockefeller Plaza, si yon moun pè la grande foule, pa pwoshe, ret lakay ou. Men, gen yon seri de bagay nan lavi, yon kretyen vivan dwe fè eksperyans-li omwen yon sèl fwa.
Veritas pour eMagazine
Take the Visitor Survey and receive this FREE gift.
veritas_tum@yahoo.com
Aucun commentaire:
Enregistrer un commentaire