Prezidan Moise : Mesaj a la nasyon

Nou bay tèt nou yon konstitusyon ki tabli demokrasi nan peyi
d Ayiti. Sitwayen kapab revandike dwa yo lib e liben sans pyès
kraponay.

Se nan kad demokrasi ya pèp Ayisyen-an elu mwen prezidan
nan eleksyon lib e onèt, jan manman lwa peyiya mande sa.

Pandan senk an prezidans mwen yan, pèsonn, mwen di byen
pèsonn, sou kelkeswa pretèks paka menase enterè peyiya pou
mete nasyon wan an danje.

Demokrasi mande sakrifis, demokrasi mande pou règ jwèt la
respekte jan konstitusyon wan egzijel. Fòs tout demokrasi se
respè la lwa. Nan peyi d Ayiti, nou pap ka shape anba règ sa-a.

Si poun rete nan demokrasi, fònn pa tonbe nan raj. Okenn rezon
ni okenn kòz, kit de relijyon, economik, sosyal oubyen politik pa
dwe justifye pou moun ap touye, pou moun menase touye moun.
Depiw travèse liy sa-a, liy respè dwa moun, wap tonbe anba sanksyon
lajustis.

Mwen gen yon panse spesyal, pou shak viktim ki tonbe anba zam
banditis. Espesyalman, polisye yo, mwen sonje Juron Durosier, yon
polisye kitap sèvi peyi li avèk konpetans e lwayote. Bandi touye
Durosier nan kondisyon dezonoran.

Se pou premye minis lan, shèf CSPN, degajel kou mèt janjak, pou
lapolis arete moun ki komèt zak sa-a. Pou lajustis juje epi kondane
yo, jan lalwa mande sa.

Enpinite pa mashe ak demokrasi. Se pou lajustis pouswiv tout moun
ki simen dèy oubyen kap shèshe simen dèy nan mitan pèp la.

Batay politik la dew fèt sou teren lide, teren diskisyon ki mennen sou
teren eleksyon. Li pakafèt nan kraze brize.

Frèm ak sèm yo, tande byen, se prezidan nou wan kap pale ak nou.
Depi trann-de lane, zak briganday, kraze brize ti krik ti krak anpeshe
pèp la al okipe zafèl, fè peyiya vinn pi pòv.

Nou tout se Ayisyen, peyi d Ayiti se pou nou tout. Jodiya se mwen
pèp la bay manda pou dirije peyiya. Deman se wou kap soti nan
eleksyon pou vinn dirije. Kèlkeswa ideyolojiw e nan kèlkeswa pati
politik ou ye Ayiti se peyiw.

Fòk nou fè tout jefò poufè peyiya mashe pi byen, pou pitit nou ak
pitit pitit nou ka viv pi byen.

Ayisyen, nou tout se frè ak sè. Se pou nou met kouraj, pou dyaloge
yonn ak lòt san nou pa eksclu pèsonn. Nou gendwa pa dakò sou
tout bagay. Men se yon devwa ak yon obligasyon pou nou pale.

Mwen mande premye minis lan, poul rankontre tout moun, tout
tandans, menm jan mwen toujou fèl. Dyalòg la sipoze ranmase tout
koush nan sosyete ya, nan respè konstitusyon wan. Se pou premye
minis lan pran tout dispozisyon pou garanti sekurite lavi ak byen
tout moun.

Se pou gouvènman-an pran tout dispozisyon pou kreye kondisyon
pou lapè tabli nan kat kwen peyiya. Mwen pase enstruksyon pou
reyaktive Komisyon National Dezameman ak Reyensèsyon.

Gouvènman-an dwe pran tout responsabilite pou kontinye ap
travay sou apèzman sosyal nan katye defavorize yo pou amelyore
kondisyon moun ap viv. Sitou salayo ki nan plis bezwen.

Frèm ak sèm yo, map pwofite remèsye tout moun kite kenbe kalm
yo ak serenite yo nan dènye jou sayo.

Map remèsye laprès, lidè dopinyon yo, tout relijyon yo, ak tout lòt
moun epi òganizasyon nan justis sivil la, san nou pa bliye zanmi
nou nan entènasyonal la, kap veyikile mesaj lapè ak stabillite. Sepou
bondye grandmèt la kontinye akonpaye nou nan tout aksyon pozitif
nap fè nan enterè peyiya. Enterè pitit nou ak pitit pitit nou.

Shimen devlopman-an difisil, men seli pounou pran pou Ayiti ka pibèl.
Pou shak Ayisyen viv avèk fyète e diyite nan peyiya.

Viv la demokrasi ! Viv Ayiti !