Frèm ak sèm yo,
Jodiya se dizwi novanm. 18 novanm 1803 - 18 novanm 2018, safè 215 lane depi zansèt nouyo te
bay sayo te genyen kipi shè. Savle di lavi yo, pou nou tagen yon patri, pou nou te ka gen yon drapo, pou nou ka gen bout tè sa-a, Ayiti, kirele nou shè mèt, shè mètrès.
Safè 215 lane depi san zansèt nouyo te koule nan Vertières pou mwen menm avèw nou te ka rele jodiya, Ayisien. Safè 215 lane depi yon seri de jèn fanm ak jèn gason te deside brave bayonèt, brave kout kan-no, pou shak Ayisyen te ka viv tankou moun, pou shak moun sou latè kèlke swa koulè poyo.
Fanm kou gason, rish kou pòv, nèg anwo kou nèg anba, san pyès diskriminasyon. Pou tout moun viv tankou moun.
18 novanm sejou pou nou di oshan pou zansèt nouyo. Se jou pou temwaye la rekonesans devan lemond antye pou gwo kokenn shenn sacrifis ke zansèt nouyo te fè. 18 novanm se jou pou shak Ayisyen mande tèt nou kisa nap fè ? Kisan-n ka fè pou onore bèl peyi sa-a zansèt nouyo kite pou nou ?
Dessalines, Christophe, Pétion, Capois, Gabarre ak tout lòt yo te batay pou nou te genyen libète. Yote batay kont fòs fènwa kite vle kenbe nou nan shenn esklavaj. Jodiya nou pa esklav ankò. Gras a Ayiti pagen pèp nan rejyon-wan, ni nan mond lan ki esklav ankò.
Ayibobo, pou zansèt nouyo !
Frèm ak sèm yo,
Lè batay la fini. Jodiya se lè pou nou kowopere, savle di se lè pounou mete tèt ansanm pou kase shenn soudevlopman. Shenn Blakawout ! Shenn lamizè kifè gen kèk nan nou ki anvi bliye sa nouye.
Se lè pou nou kowopere, pou nou bati yon Ayiti kifè fyète zansèt nouyo, yon Ayiti kifè fyète nou. Fyète pitit nou ak pitit pitit nou. Nou pap twonpe nou de wout. Nou pap bliye kote nou soti. Nou konprann byen, nou konprann trè byen kote nou ye. Nou pap bliye kote nou pwale.
Misyon nou se kase shenn soudevlopman.
Shenn soudevlopman makon-nen ak monopòl, nan avantaj yon ti gwoup kifè lamizè ap fleri. Shenn soudevlopman makonnen ak lespri tolerans pou simen dèy nan mitan pèp la. Shenn soudevlopman makonnen lespri antidemokratic pou kreye enstabilite kap plonje pèp la nan plis mizè.
Shenn soudevlopman ak enstabilite se kòkòt ak figawo.
Pèp Ayisyen,
Reveyew ! Pakite amatè zak kraze brize retire nou sou shemen demokrasi. Se nan tètansanm, nan lapè ak bonjan konprann pou nou rive kase shenn soudevlopman. Kifè depli plis pase swasantan pitit peyiya oblije travèse lanmè, travèse fwontyè, ale kay vwazen dèyè lavi miyò.
Shenn soudevlopman makonnen ak enstabilite pou kraze pwoduksyon nasyonal la, anpeshe pèp la gen manje nan asyèt li, ak kòb nan pòsh li.
Nap travay pou shak Ayisyen viv pibyen. Sesa nou te pwomèt, sesa napfè. An-nou kiltive lespri Vertières la. Lespri Vertières se kouraj, solidarite, detèminasyon ak kowoperasyon yonn ak lòt. Lespri Vertières la dwe kontinwe ban-nou kouraj pou nou men-nen konba pou endepandans ekonomik nou, estabilite politik, lapè sosyal nan peyi nou, pase ke nou tout se Ayisyen.
L'Union fait la Force, lè nou divize nou vinn pifèb. An-nou rete kole yonn ak lòt, an-nou kowopere pou nou bati yon Ayiti kote shak Ayisyen ap kaviv pi byen. An-nou kowopere menm jan ak zansèt nou yo nan Vertières pou shak moun sou tè sa-a ka viv tankou moun. Se yon nesesite ak yon obligasyon, pou nou pale yonn ak lòt , menmsi nou pa dakò sou tout bagay.
Senan bonjan dyalòg nou ka rive jwenn solisyon pou nou men-nen peyiya sou wout shanjman tout bon vre. Se nan bonjan dyalòg, batay kont korupsyon-wan ap kafèt tout bon vre.
Nou se Ayiti, viv la demokrasi !
Viv le peuple Haitien ! Viv Ayiti !
Aucun commentaire:
Enregistrer un commentaire