Kèlke swa kote w ye nan lemond, nou envite-w repete priyè sa-a pou remèsye bondye nan liberasyon peyi d Ayiti. Nap priye pou moun ki sekestre nan yon lòt fason. Paske gen moun kap mashe monte desann men nanm yo, ak lespri yo plis kantite zak yap komèt shak jou, fèmen lespri yo nan prizon. Nap mande granmèt la pou l shanje kè tout move Ayisyen kap kontinye komèt vye zak, ekstòsyon, vòl, vyòl, sekestrasyon, zak malonèt sou yon popilasyon ki paka pran plis kout zepon ankò... Letènèl, nap mande pou shanje kè Ayisyen malfektè yo, fè yo repanti, shèshe yon lót mwayen respektab pou yo sa viv.
Letènèl nou vinn devanw maten an pou nou remesye-w pou tout mirak ou deja akonpli nan lavi nou. Ou bay jenè pèp Ayisyen an yon mwayen viv nan yon kote ki enposib pou tout jènn moun fleri. Nap rejwi dèske ou te pwoteje yo pandan tout semèn ki sot pase a. Menmsi lemond te nan boulvès ou te pwoteje n anba zèl ou.
Nou remesye-w, dèske ou mete n yon kote ki pezib. Ou te retire n du milieu d'eux. Ou te fènn soti nan mitan gwo van lanmè ak tanpèt. Ou kraze miray jeriko pou nou, fann lanmè wouj an-de pou jènn pèp ou wan sa pase. Letenèl ou konn fè mirak.
Letènèl, jodi a nou pa vinn mande-w favè pou tèt pa-nou. Ou konnen tout pwoblèm yo deja. Maten an nou vinn leve tout rès pitit ou yo yap kontinye toupizi tout kote, lakay Wa Faraon. Nou priye swasann disèt fwa, sèt fwa pou Wa Faraon bay fanmi sayo libète.
Letènèl ou retire nou man mitan yo, men satan se yon bèt ki odasye, yon visye ki san konsyans, yon malonèt ki vini ranplase nou. Letènèl, di yon mo sèlman pou ranvèse sitiyasyon ensekirite moun ap viv nan peyi d Ayiti.
Letènèl, se avèk anpil imilite nou vinn mande-w la delivrans alawonnbadè. Nou remesye-ou davans, e nou kwè priyè n va ekzose.
Amèn
Aucun commentaire:
Enregistrer un commentaire