Mwen envitew lakay mwen. Ou gaye kòw tankou kay la se paw
liye. Mezanmi, gade jan yon bann moun odasye. Mwen edew
kanpe, koulyea ou tèlman fò nan mashe kew soti pou montrem
kouri. Mwen montrew pale, koulyea ou soti pou banm leson
alfabè.
Mwen envitew nan salon. Ou pran tout kay la pou wou. Pawòl
la di dan pouri toujou gen fòs sou ban-nann mi. Gendelè yon
moun pale sanl padi ayen, men padi anyen nan sitiyasyon grav
ki devann la tavledi kenou pa gason vanyan. Tout restavèk
dwe fè silans, men tout moun konsekan dwe revandike.
Se mwen kite ekri Mèt Estoy, siw te konsène nan kilti peyiw
ou ta konnen kem te deja reponn tout veleyite tenten-nad kap
fèt sou do peyi d Ayiti. Fè yon efò pouli de shapit nan
Mèt Estoy ki rele Fonds des Nègres e Fonds des Blancs. Se
la wava konprann saw konprann.
Rale kreyonw makel. Bagay yo dwe shanje tout bon lakay nou.
Se pounou mete pwòpte dekwa pou moun pasa ranse ak dyòl yo
sou donou. Nou mande pouyo respekten, men nou dwe respekte
tèt nou, respekte tout moun nan peyinn. Pouyo kapab soti
nan eta avilisman yap viv jis jounen jodiya.
Aucun commentaire:
Enregistrer un commentaire