Biwo politik kandida la prezidans Louis Déjoie, te anonse nouvèl nan radyo mèkredi pase-a bay prezidan pwovizwa Franck Sylvain kòmsi pou misye ta dwe bay garanti pwoteksyon pou tout kandida yo. Louis Dejoie di nan ka kontrè, l ap oblije pran mezi pal dekwa poul sa genyen bonjan pwoteksyon.
Yon fanatik Louis Déjoie tap pale nan radyo, li di pou tout dejwayis yo ta kapab demontre yon egzanp senpati se pou yo al nan fineray de patizan Dejoie yo ki sot mouri apre goumen k te fèt nan Carrefour Dufort, yon vil ki sitiye a plis ke ven-n-senk kilomèt de Pòtoprens.
Gen anpil move zak ki te pase anvan deblozay la te pete ant dejwayis ak Fiyolis. Yo konsidere vil Léogane kòm baz kandida Daniel Fignolé, menmsi Doc. François Duvalier te fè kanpay nan zònn nan dimansh pase nan aswè san patgen okenn tèt fèmal.
Senatè Louis Déjoie tap men-nen kanpay nan zònn sud la sou motosiklèt. Li stope nan Carrefour Dufort madi pase-a vè onzè di maten.
Katye jeneral lame d Ayiti anonse nan zafè batay ki pete ant patizan senatè Déjoie ak moun ki fanatik pwofesè Fignolé, ebyen bagay sa-a te lakòz anpil moun blese anba kout zam a fe ki sot nan kan dejwayis yo.
Yon patizan Fignolé mouri yon lòt te blese. Lame d Ayiti rapòte ke yon gwoup moun ki fanatik Daniel Fignolé te tire revanj, pran kòd mare epi yo al pann sou pye bwa, Raimond Mardi Pierre, ki te yon fanatik Louis Déjoie. Foul la te atake misye epi bat li jistan Raimond Mardi Pierre te pèdi lavi l.
Anyen pat rive senatè Louis Déjoie paske depi kòmansman koumen-an fanatik li yo te gentan fè misye demake epi pran rak.
Apre pakèt bann deblozay sayo nan kanpay elektoral la, Ministè depatman Interyè a te bay yon kominike mèkredi ki sispann emisyon tout nouvèl ki gen yon aspè politik.
Tout moun ki tap tande radyo Station MBC madi nan aswè te konprann yon dram kite pase nan fen emisyon an apre yon fanatik Clément Jumelle, Mesye Bonaventure, tap pale. Se shak swa li te pran atake Evremont Carré, ki Minis Affaire Etrangère la. Lap mande pou minis la bay demisyon l. Bonaventure te deklare ke Mesye Carré se pwason kraze nan bouyon, li se kouzen Raphael Trujillo, e ke misye pa dwe gen okenn dwa pou l kontinye okipe pòs li nan Relations Etrangères.
Nan menm pwogram nan, Mr. Lyonel Pauin, ki se yon fanatik Clément Jumelle, te pran atake minis Affaires Etrangère la, nan yon liv ke veteran diplomat istoryen Doc. Price Mars te ekri kitap pale de ajisman gran fonksyonè Ayisyen, ofisyèl gouvènman Ayisyen yo, nan lane 1937, kote ofisyèl gouvènman nan peyi dominikani te responsab lanmò 200.000 peyizan Ayisyen.
Se apènn Bonaventure te finn pale ke lapolis te anvayi stasyon radyo-a epi pase men sezi tout bann mayetik ak tout mayetofònn.
eMagazine
Traduction et Adaptation, Weiner Marthone
veritas_tum@yahoo.com
Pwopagann, trak, Dr. François Duvalier kont Louis Déjoie. Source Archives de Marthone père.
Take the Visitor Survey and receive this FREE gift.
veritas_tum@yahoo.com
Aucun commentaire:
Enregistrer un commentaire