Nap kontinye fè efò pou rapatriye kilti Ayisyen sou blòg la...
Nan epòk anpil kè sote ak laperèz. Anba poto limyè, sou diktati, Ayisyen te oblije shashe yon mwayen kan-menm pou l jwenn trankilite, repo lespri l nan jwèt. Nan tan lontan, bò lakay pa m, jenès la te gen anpil shwa, se swa l jwe foutbòl sou bèl teren plen zèb vèt, baskètbòl sou pakinn oubyen l jwe Lago Delivrans.
Note byen ke m tap viv nan yon katye ki te plen ak shèf. Sètadi, yon nèg te oblije gen anpil taktik pou evite dezagreman...
Jenès la, nan yon premye moman te konn prefere jwe Lago Delivrans sou yon plas piblik ki te nan katye-a. Nan jwèt sila, se pou yon moun gen bonjan fyèl pou kouri tankou nenpòt atlèt olenpik pou sa jwe byen.
Patnè nan shak ekip konn shwazi jwè yo a pati de yon sistèm Bwa Long ak Bwa Kout. Kaptèn shak ekip kenbe tout bwa yo nan men l, epi li prezante sa bay shak jwè. Sa k rale Bwa Long al jwenn yon ekip ki diferan ak sa k shwazi Bwa Kout.
Menm penpenp lan repete pou deziye ki ekip kap nan mitan wonn nan an premye kòm prizonye.
Tankou nan jwèt foutbòl, yon ekip ap jwe defans tandis ke lòt la nan atak, lap fè jan l konnen pou l delivre ko-ekipye-a ki kanpe nan mitan wonn nan. Jwèt la gen yon sèl règ: Depi yo toushe w, ou elemine.(toush- priz)
Depi ou toushe prizonye pa w la, ki kanpe nan mitan wonn nan, misye vinn otomatikman lib. Koulye-a, se tou lòt ekip la, ki dwe shwazi kiyès ladan yo kap prizonye. Tout nèg ki pat konn kouri vit, toujou nan mitan wonn nan, yo sèvi kòm prizonye.
Lago Delivrans se yon jwèt ke ou kapab jwe nan 'senk konn senk' e menm plis moun.
veritas_tum@yahoo.com
Take the Visitor Survey and receive this FREE gift.
veritas_tum@yahoo.com
Aucun commentaire:
Enregistrer un commentaire