Gouvènè BRH la dwe demisyone !...

 Pandan peyi a ap travèse yon état d'urgence ak tranbleman d tè, yon enbesil deside depanse 1,5 bilyon dola meriken pou l lage gwo kòb sa-a nan ponyèt sektè pwodwi petwolye-a. Dapre deklarasyon misye, se yon kòb ki ale nèt, ki pap janm retounen nan kès rezèv BRH. Ou klarifye ke se pat yon envestisman ou te fè, se yon depans ki fèt pandan yon état d'urgence. (Ak tout lanmò prezidan Jovenel Moïse - se pou Jovenel ta mouri pou ta fè sa w fè la-a)

Si nou nan état d'urgence vre, poukisa 900 milyon epi 600 milyon nan lajan pèp Ayisyen (ki bezwen èd limenm), twouve al nan pòsh yon seri de moun ki deklare tèt yo antinasyonalis, ensivis, apati de konpòtman ak aksyon yo poze nan peyi d Ayiti pandan plis de swasant ane ?

Ma labou, pousyè, ti kay anbwa ak tòl wouye, Ayisyen ap dòmi atè sou vye twal ranyon toujou... zokòtòf tèt ou ak bwa nen w monte byen wo, tèlman wo ou paka wè tout kantite salte ki devan je lemond antye... 

Devan lavi enposib pèp Ayisyen ap viv toulejou, yon enbesil deside al ranpli pòsh yon seri de moun ki dapre analiz mwen se yon bann antinasyonalis, ensivis, ak moun trèt.

Gouvènè bank sentral BRH la pran lajan apèl dyaspora nan men Digicel, li fè dap-pi-yanp sou lajan transfè tou. Koulye a lajan sayo ap separe anwo pandan dyaspora nan pwoblèm limenm ak imigrasyon bò isit; tandiske pèp Ayisyen anba mizè, nan le sud, nan lwès, latibonit, nan nò ak nòdwès. 

Pèp la nan ensekirite alimentè, pagen lojman desan, pagen travay, donk pagen lajan pou voye timoun lekòl. Plen kote ki pagen bon wout pou mashinn pase, pagen limyè pou yo ta kapab louvri menm yon ti biznis vann glas, vwa pou fè lekti, pou moun yo ta kapab viv byen nan peyi a.

Peyi a nan état d'urgence, wap depanse 1,5 bilyon.

Pèp Ayisyen ap viv anba pon nan lari, wap depanse 1,5 bilyon.

Pèp Ayisyen paka jwen travay, wap depanse 1,5 bilyon.

Pèp Ayisyen paka manje, wap depanse 1,5 bilyon.

Pèp Ayisyen plen analfabèt, wap depanse 1,5 bilyon.

Pèp Ayisyen ap mouri tankou shyen nan Darien, wap depanse 1,5 bilyon.

Gouvene BRH la, li lè, li tan pou ale fè wout ou !!! Ou fè twòp dega !!! Ou se yon malfektè kap kontinye pirèd nan fè le mal. Ou se yon salopri bankye ke pèp Ayisyen an dwe meprize.

Veritas