CONCACAF: Goldcup final...

 Match final shanpyona zòn CONCACAF la ap fèt jodi a nan peyi Etazuni. Se Meksik ak Etazuni ki pwal kòmanse vide foutbòl vè witè edmi aswè a.

Lè nou byen gade statistik de ekip yo, nou kapap remake ke ekip Meriken-an gen yon avantaj bab e moustash sou ekip Meksiken-an nan kantite match ke l genyen nan gòl diferans, sètadi kantite gòl ke l bay (8), epi nan gòl li pran (1). Lèw fè soustraksyon 8 - 1 sa egal 7. 

Pou Meksiken yo shif sa-a egal ak 6.  Kidonk, genyen diferans nan nonm de pwen tou. Etazuni kale tout ekip ki jwe avè l san shirepit, tandiske ekip Meksiken an tè fè yon match nul, men li pat pran yon gòl pandan menm peryòd la.

Pou ekip Meksiken an ta genyen match final sa-a, se pou yo ta mete anpil presyon sou ekip Etazuni an, pousantaj posesyon balon an dwe nan omyen 70 pousan konsa. Meksiken yo pa dwe manke opòtinite pou fè gòl. "El tri" gen bonjan defans, se atak la ki sanble ki pap bay bon rann-man. Bon gadyen ak defans Meksik, se yon gwo avantaj, sitou nan match final. Pou Meksik ta genyen match la atakan yo dwe monte alaso epi bay gòl, san fè teyat.

Pou Etazuni ta genyen match la, se pou mitan teren an metrize jwèt la, eseye jwe yon jwèt rapid nan tranzisyon atak yo. Etazuni gen yon ekip jènn gason ki kapab kouri, gen anpil fyèl, mesye yo kap monte desann sou teren an pandan 120 minit san pwoblèm. Pou Etazuni ta kapab leve twofe Concacaf la li dwe fè yon bout gòl nan kòmansman oubyen nan fen match la.

USA 1  Mexico 0

Efektivman gòl la te fèt fen match la, nan 118 minut....