Nou se Evelyne Sincère

 

 

 Atik sila oblije ekri an kreyòl paske shay lanmò sa-a twò lou. Bon, nou paka di ke se yon MOUN ki komèt zak sa-a. Nou paka di se yon bèt. Menm bèt konn gen respè pou lòt bèt parèy li. Nou paka di se zak yon bèt. Mwen tegen shen ak shat lakay mwen lè m te ti moun an Ayiti. Mwen pata fouti di se zak yon zan-nimo.

Sèl non ke m ta kapab bay otè zak sa-a. Se yon Kapon. Se zak yon Souzòm Kapon ki pa janm wè, ni pase nan shimen limyè...

Yo konn di gen Ayisyen ki Malfektè. Eta Souzòm kifè zak sa-a pi mal pase yon Malfektè. Ayisyen Malfektè konn bay kout poud, manje ranje, anpwazonman ak pinga seren... Malfektè Ayisyen konn voye manje baw nan plat emaye li konn fè twalèt ladann... Malfektè Ayisyen konn fè soup byen monte premye janvye voye ba w pou manje...depi sou figi manje sayo ou oblije jete sa nan fatra. Konsa viktim nan kapab kontinye viv lavi l. Malfektè Ayisyen konn vinn plante move flè devan pòt lakay ou pou eseye desounen w. Ayisyen Malfektè renmen bay kout lang, fè konplo pou asasinen moun...

Souzòm sa-a abize viktim nan, fèl pase mizè avan l tiyel. Zak sa-a se pa yon zak moun ki leve nan kay, ki konn manman l ak papa l.

Savle di ke nou anafè ak yon Souzòm, Kapon ak Kanibal, ki nan yon eta depafini ki pi mal pase yon Malfektè.