Ayiti : Apre Batay Tanbou Lou

Dapre sa m ap konstate an Ayiti. batay fèk kómanse...pran pouvwa
san okenn plan konn kreye yon sitiasyon kote pèsonn vinn pa
rekonèt ni respekte okenn otorite nan w peyi...

Rale kreyon w make sa sou kalpen w !

Si nou shita sou demen nou san fè anyen, san ede Lapolis mete
lód nan dezód, nou tout ap shire. Moun ki shita ap fè moun de byen
toujou ak yon bann vakabon gen pou yo pèdi ni sak ni krab....

Moun gendwa manifeste wi... men manifestasyon paka gen objektif
detwi, kraze, brize, met dife, voye wósh, mete ekonomi yon peyi an
danje...se kounye a lavi pwal shè...

Apre batay, tanbou lou... si prezidan an ale, se kounye a nou pwal pran
nan pèlen tout bon... moun pwal kómanse goumen pou plas alèkile, deshire, manje
zorèy lót pou plas nan gouvènman...

Kelke swa sak monte a. Se yon gouvènman de fakto ki pwal tabli.
Se yon gouvènman ilejitim, ki kont Konstitusyon peyi a, ki manman tout lwa.

Bagay sa-a ap vinn simen plis divizyon. Paske ap gen anpil viktim, deshoukay tou...moun
pwal mouri pirèd... san zaprann nap lejitime yon dezód sosyal kap pirèd pase
lè diktati Duvalier a te pran rak...

Se pou tout moun debyen nan shak katye óganize PATWOUY VIJILANS,
mete yo ansanm ak PNH, ede Lapolis mete lód nan dezód...sinon pita pitris...
mwen pa kwè nou ta renmen lage Ayiti nan tyouboum anba tout bann delenkan nou wè
douvan je nou la-a...

Bon...nap mande tèt nou sou ki baz legal komite sa-a shita ?
Kote tèt ansanm nan ? Sa se bagay moun fou nèt ! Tafyatè yo
finn anraje nan peyi d Ayiti !