1952: Trajedi nan match foutbòl...

Vandredi 5 septanm 1952 nan aswè tegen anpil anbyans nan Stade Magloire. Graden kou tribinn te shaje kou legba ak moun...

De ekip ki tap jwe yo sete Aigle Noir ak Pétionville. Tout popilasyon an pase tout semèn nan lap tann match sila rive tankou tè sèk kap tann lapli... men yo espere ke lapli an pa tonbe ankò fwa sa-a dekwa pou gwo match Coupe Vincent k pwal jwe pita pa gate...

Match kòmanse, piblik la te dèyè Aigle Noir, men Pétionville te soti poul genyen match la tout bon. Kenz minit te rete anvan match fini, Aigle Noir tap men-nen 3 a 2. Yon sèl boulvèsman pete nan graden kite dèyè kan kote fanatik Pétionville yo te shita. 

Henri Desrues, yon fanatik Violette andyable te tonbe rèd atè anba yon kriz kadyak. Kat doktè te sot nan foul la pou vinn ede misye pandan l te pèdi konesans... 

Doktè Horace Désir eseye bal respirasyon atifisyèl. Dr. Jean Bartoli bal enjeksyon nan bra pou soulaje presyon ateryèl. Dr Athemas Bellerive ak Coicou Fils tap bay de lòt doktè yo kout men. Yonn nan dòkte yo te menm administre yon enjeksyon nan kè pasyan sa-a tou. 

Men tout efò sayo pat kapab sove Henri Desrues. 

Moun yo te oblije pran men Madanm Desrues pou edel soti nan stad la. Yo anonse l ke Henri Desrues mouri. Frè Madanm Desrues, Willy McIntosh kite Sekretè Federasyon Ayisyèn de Foutbòl nan epòk sa-a, tap fè juge de ligne nan match la, li pat menm konnen trajedi lanmò-a. Se jis apre dènye kout siflè abit la li vinn konn sa. 

Match la fini 4 a 3. (Violette)

"Ti Go" aka Mr. Henri Desrues te yonn nan aksyonè faktori F. and G. Naude. Se yon moun tout Pòtoprens te respekte paske li pat nan pati pri nan fè biznis, lite yon bon moun, plen ak politès nan relasyon l ak moun. Lite gen de pitit fi, Michaelle ak Lilianne kite lekòl nan peyi etazuni, se yo menm yap tann rantre Ayiti pou vinn asiste antèman papa yo... 

Fineray Henri Desrues tefèt Dimanche 7 septembre 1952... 

R.I.P 

"Tegen moun tout bon an Ayiti nan epòk sa-a"

Veritas

Si ou renmen bonjan travay restorasyon kap fèt sou blog la, pa bliye klike sou Donate pou ankouraje n kontinye.