The Elephant in the Room...

 

Gad Pòtoprens (Pòdepè)

yon Prens mandyan

Prens san papa a...

Prens san manman

Refijye nan batiman

Prens topize

Prens boat people...

Prens topize

Prens boat people

ki pran lanmè tankou chen fou

Batiman-n sèvi sèkèy

Toupatou nou ye

Nou se jwif eran

kap met lanmè an defi

Nal goumen a lanmè

Pou nou chèche lavi a

Ay peyi mwen

move Ayisyen

kifè tout moun ap tren-nen lwen w

Ay peyi mwen

Peyi siklònn

kalamite

ki met lajan nan pòch moun rich

Lajan blan gen madichon

Pèp la ap toufe

Yo bayon-nen li

Paske yo konnen li kap lite

Chen mare kout konn anraje

Peyi m mezanmi

Gen vanyan gason

genyen fanm vanyan tou

Vòlkan ap kabicha

Sa pa vle di l mouri

M pwal plante choublak

Pou tout boat people

ki mouri nan lanmè

Ay peyi mwen

Move Ayisyen

kife tout moun 

Ap trennen lwen w

Ay peyi mwen

Move Ayisyen

Koukouwouj lage 

nan dèyè boat people

Martha Jean-Claude