Blag Nan Nouyòk

Narativ ansyen. Kijan de imaj Ayisyen tap bay pwòp tèt li.



Narativ shanjman. Kijan de imaj Ayisyen dwe bay tèt li jounen jodi a.

Blan an sèmente l di tonnè krazel lite mèt mouri grangou li pap fout vinn koupe zèb lakay mwen ankò. Tout sa m fè l poul vini. Li rete kè pòpòz. Mwen file tou dwat al kay yon vwazen pou eksplikel pwoblèm mwen, ke m pakonn sa poum fè ak blan sa-a. Mwen dil sanble blan sila se yon paserye, yon moun parese nèt ki pa renmen travay. Vwazen an dim, o entèl, ah misye se kèk byè gratis li dwe bezwen nan menw.

Mwen di blan an mwen wè konpayi entènèt la an pann. Blan an reponn ebyen ale sou sit entènèt konpayi an nan 3w.com epi wa diyo sa. Mwen di blan
an mwen pa konn sak 3w pwen konm nan. Blan an reponn se yon bagay ki fasil tankou dlo. Li di lè m finn shita sou twa wc ma ale tout dwèt nan twa wa. WhatsAp, Wa kite sòt, Wa gentan konnen.

Menm blan sa-a apre m finn dil kem se yon moun pòv ki pagen ni telefòn ak konpitè. Li deside dim lilè litan poul regle yon bagay enpòtan pou mwen. Ah, li fèsa vap ligentan kase yon randevou ak mwen sou WhatsAp ak Zoom.

Pandanm kanpe konsa sou yon twotwa nan Eastern Parkway mwen wè, yon nwa ameriken kap mashe vinn sou mwen, sou pwent pyel, ap beke. Nwa a wèm kanpe, li di m lise Whatsup. Koulye a, alèkile, se Zoom map tann la-a pou mwen sa ale nan randevou a.

Disponible sur Amazon.com

Yon bèl tifi, jènn amerikènn, fwete yon taksi nan Atlanta. Shofè a tegen
anpil koutwazi, li desann lal ouvri pòt pou fi a monte. Apre demwazèl la
finn monte misye fèmen pòt pou li. Answit shofè a
tou pase menl pran valiz yo, louvri kòf mashinn epi depoze
valiz yo an-ndan, epi fèmen kòf la.

Apre tout jimnastik sayo, misye twouvel dèyè volan alèkile.

Li mande amerikènn nan ki kotel poul depozel ? Amerikènn nan di misye
pa enkyetew jis kondwi map diw sa talè...

Amerikènn nan sanble li okipe, jel kole tankou leman nan telefòn. Linan yon konvèsasyon sou sms ak yon nèg kap filel.

Shofè a met lan tèt li, jodi a m pwal kente kan menm. Se swa m fè yon bon kòb tout bon.
Oubyen m pap dòmi lakay mwen aswè a. M reyisi rankontre ak yon gran panpan.

Apre manmzèl te finn pale, li di shofè a depozel Peachtree.

Pour faire passer le temps, shofè a tou di Amerikènn nan kel se yon
Ayisyen.

Amerikènn nan reponn, an angle, li di shofè a, sepa vre ?

Amerikènn nan dil ke papa l se Ayisyen. Shofè a reponn, koulye a ou konn pale kreyòl ?

Wi, gade moushe, al depozem Peachtree tande !

Wouy ! Malere a mouri !