Pèsonalite Ane 2019

Ane sa-a nou pa kwè genyen pase l nan l'istwa peyi d Ayiti. Anpil moun te fè pale de yo. Men nou pat kapab shwazi tout. Grap moun nou panse kite gen anpil enfliyans nan tout ane 2019 la, nan sektè Opozisyon an, sete André Michel, Reginald Boulos ak Moise Jean-Charles...

Tou patou w pase, mikwo ouvè pou mesye sila yo...televizyon ak jounal menm se papale...Te menm gen detwa jounalis kal bliye kòyo, al ekri atik sou jounal ak fè emisyon televizyon poufè pale, kòmki dire, de yon opozisyon kap bay mo-dòd pou fèmen Peyi d Ayiti, anba Peyi Lòk kap fòse Jovenel Moise kite pòs la prezidans peyi a.

Politisyen pran woulib sou revandikasyon lejitim PetroCaribe pouyo prezante yon move imaj sou do gouvènman peyi d Ayiti, kapfè anpil gagòt ak lajan petwòl Venezuela, men kipa regle anyen ditou. Kès leta vid, lap mashe mande ak kwi nan menl tandiske gwo lajan PetroCaribe separe depi anwo rive jis anba...moun anba ret dan griyen...Pèp la pran rele anmwe, yap mande kote kòb PetroCaribe a pase ?...pagen yon grenn lopital, lekòl, wout ak travay pou moun fè...lèwal fouye pifon, yo diw ke kòb la depanse deja, epi lè tout moun yo louvri je yo, yo wè pagen anyen k fèt.

Ebyen pèp la te move kou w kong ! Kraze, brize, met dife !

Politisyen yo ki renmen pran woulib, tou pwofite okazyon an...sak gen kòb simen lajan pou manifestasyon ak pil moun fèt, pou demontre ke pèp la avèk yo...abitid se vis...

Tout moun sayo te mete ansanm pou maspinen prezidan repiblik la depi dezan edmi konsa, Jovenel Moise.

Lè nou kale jen n gade byen, tout mesye sayo kite pran pozisyon kont pouvwa-a, yo te gen yon sèl pwen dantant, sete pou yo fè kòm mèt JanJak pou yo pran pouvwa nan men Jovenel Moise.

Nan pase lòd agosh adwat, san gade devan ni dèyè, grap moun sayo te deside fèmen lekòl nan peyi d Ayiti...Mezi sa-a kòmanse fè moun wè ke moun kap dirije opozisyon an pagen yon bon vizyon de peyi a.

Si Jovenel Moise te yon prezidan san kolònn vètebral li ta bay demisyon l deja...anba tout presyon sayo, plis kout lang, move enfòmasyon k bay sou dol sou jounal, entènèt ak televizyon...

Ah, Jovenel Moise di NON ! Li pap bay demisyon l. Woy ! Tèt Opozisyon Shaje !

Men bon jan verite.

Ayisyen renmen foutbòl anpil. Ann fè yon ti pale sou sa. Lè wap gade match foutbòl, èske se pou de twa grenn jwè nan ekip la sèlman wal aplodi ? Opozisyon an reprezante detwa gren jwè. Prezidan repiblik la, se yon grenn jwè...

Pa swiv grenn jwè, panse ekip pito. Ekip la se Ayiti.

Veritas