Ebyen lè limyè kòmanse gaye tout bon fòk fènwa kouri al kache anba dra epi fèmen je e bouche zòrèy majorite populasyon an dekwa pou moun yo pasa konn la verite.
Mwen deklare ke istwa tout timoun ap aprann nan lekòl an Ayiti se yon syans fiksyon, yon istwa malatchong! Tout bagay enpòtan yo efasel pou yo sa tabli pil manti.
Istwa lanmò jeneral Delva vinn ajoute sou tout pakèt omisyon k genyen.
Mwen sonje yon ansyen liv pwofesè Roger Gaillard te ekri ki gen pou tit "La République Exterminatrice" . Se koulye a, pandanm granmoun, m resi konprann sa l tap eseye ekspliken nan klas filo. Jan de mesaj li tap voye bay jenerasyon Ayisyèn depi fen lane 70, patsa byen anrejistre nan memwa bann sèvèl wòwòt sayo kite sèlman enterese fè bèl nòt pousa reyusi nan ekzamen bakaloreya.. Nou fini pa konprann ke pwofesè Roger Gaillard te di nou dwe mache sou pinga nou paske Repiblik la trè kriminèl!...
Jodi-a nou di, si administrasyon Alexandre Pétion an te komèt gwo zak kriminèl ak enkonstitusyonèl, pèp Ayisyen an gen dwa konnen sa dekwa pou menm bagay sayo pa kontinye. Se konsa pou l te fèt...
Si administrasyon prezidan Jean-Pierre Boyer-a te komèt zak kriminèl e enkonstitusyonèl timoun lekòl te dwe aprann sa nan klas dekwa pou sa pa repete ankò.
Pa ekzanp arestasyon ak ekzekusyon plizyè jounalis sou prezidans Boyer pa mansyone nan registre des lois et actes de la République. Nou detèmine sa se yon fèt eksprè l ye.. Sa se yon malonèt-té envers la nation et faite à la postérité.
La Republik deside bay pil manti. Lap anpeche populasyon an konn la verite sou listwa peyi a. Sa se yonn nan pi move zak kriminèl ke jenerasyon sak la-a te dwe panche sou li tout bon pousa korije l.
A suivre...
Joe Scaroune pour eMagazine.
Aucun commentaire:
Enregistrer un commentaire