la pa ateri nan peyi-a ankò.
Solèy la kouche
lalin nan leve
lanp lan klere
tout je n kale.
limyè chase
fènwa fè danse
kaye ak liv mechanste
pou simen doktrin sanzave.
Kontribyab
pa jwen lasibab
lajan n peye majistra
kap bay kout ba
tounen restavèk
fè kourye, al pote lèt
bay mouche lepap.
ak lajan kontribyab.
woy, lakolonbi,
ou pata fèn sa...
Ayisyen, mezanmi
fin tounen zonbi.
mouri nan lari
tankou chyen.
Eskòpyon rate tèt
pran mòde ke
nan tikoulout an jwèt
tout egoyis demaske
chita detripe la fanmi
pou vann, achte zanmi.
Ay, move Ayisyen
konplotè pou anyen
magouyè pòtoprensyen
fo doktè kapayisyen
maltrete n pou anyen.
Ekri nan lang kreyòl
se yon gwo terapi
epoutan teledyòl
ap sikile kou lapli
Wanament o!
Ou soti tout bon
pou trase bon ekzanp
pou chanje eskanp
figi Ayiti-o!
Pwopagan isit
Pwopagan lòtbò
Pwopagan anbashal.
Volè isit
Volè lòtbò
Volè anbashal.
Veye priye
depi kout bal pati
tout moun pran kouri
pou le peyi
pou lè zansèt
kouri è bo.
laperèz fè kapon
gen latranblad
jouktan l mouri,
An ranpan.
Tankou tyanpan.
Veye priye.
Labib se zanm lespri
AK-47 pastè anba zòrye
Kouto l anba dra,
tankou tout avadra.
Vès parbal kache
anba chemiz.
Glwaradye
Banm zam ak bal
Zafèk gade w timal.
Si ou pa defan peyi w.
Lè w fè bon analiz lojik.
Wa konprann sa w konprann.
E. Zimane pou eMagazine
31 janvier 2025
