Opozisyon "Consensuelle" : Men koten gad !

Nou pa bezwen pale anpil. Tande byen wa konprann saw konprann, epi wa
swiv byen nan kisa n pran, ak koten gad. Kote mesye yo pase yo wè opozisyon
wan gen 90 pousan popilasyon an avèk yo ? Bann mesye sayo pwal gen anpil
pwoblèm nan peyi a. Sitou nan zafè fèmen lekòl sa-a. Tout moun sayo sanble
yo san fanmi an Ayiti oubyen yo se yon bann òfelin yo menm kipa gen okenn
konsepsyon fanmi ak peyi tou.

Kisa mo "Consensuelle" la vle di ?

Nan yon peyi kote 70 pousan moun ladan l se analfabèt, yon nèg
kapap parèt avèk yon slogan anba je tout moun konsa san pèsonn
pa kesyone anyen.

Kisa mo "Consensuelle" la vle di ? Ebyen "Consensuelle" la vle di tout moun
dakò avè m. Alòs ke nou rekonèt a pati de kout telefòn nan emisyon nap gade
la-a, nèg yo sote lè yap tande yon seri de kout telefòn kote moun yo pa
dakò...

"Consensuelle" la se tankou lè nou te anba diktati. Yo te konn di pèp vote a
99.99 pousan alòs ke tout bilten vòt te deja make OUI souyo. Se nan UZURPASYON,
entimidasyon ak lapèrèz, gwoup Opozisyon Consensuelle la ap fonksyone.

Li paka "Consensuelle" si gen moun pa dakò. Nèg gendwa fè demagoji l epi eseye
mele tout moun ladan l. Nèg yo ap pran pòz tankou se tout mas pèp la ki dèyè yo.
Epi se manti, paske yap fè tout moun pè. Se pa tout moun an Ayiti ki brav.
Gade byen, lè yon sèl kout fizi pati, epi w wè tout moun gaye, pran kouri tankou
foumi fou anba lapli...